Lungebrannen

Arbeid til alle. Ei løn å leva av. Innlagt straum og vatn i nye arbeidarbustader. Det amerikanske storkonsernet Union Carbide bringa håp og framtidstru til det vesle vestlands-samfunnet på byrjinga av 1920 talet. Frå enkle kår og tungdrivne gardar fekk no også bygdefolket i Sauda ta del i industrialiseringa av Norge; Fossane var temma, fabrikken bygd, og røyken som steig opp mellom nutane bar bod om ei betre framtid. Så byrja folk å døy. «Lungebrannen» er forteljinga om ein dødeleg epidemi som herja i den vesle industristaden Sauda i mellomkrigstida. Ein sjukdom som krav nærmare 200 menneskeliv, og som har vore eit uoppklara medisinsk mysterium. Heilt fram til i no.